Vårfint

Dette har vore ei hektisk og morosam veke. No byrjar butikken å ta form, og dei som har svinsa innom fleire gonger legg merke til at det har kjeme mykje nytt innanfor dørene. Eg har pakka ut palle på palle med varer, og papphaugane har vokse seg høge som tårn.
Frå Ib Laursen i Danmark har eg fått tilsendt mykje kjekt i lyse fargar,
skåler og mugger i pastell, kvite hyller, krakkar og lykter. Frå Jabadabado i Sverige har det kjeme både fargerike småleiker, spel og balansesyklar. I tillegg har kassa med Roberts radio endeleg kjeme til Stryn. Desse får de sjå meir til etterkvart :)

I dag har eg vore ute og snusa på våren i Nordfjord. Det luktar våt jord og opp av den kjem både små krokusar og primula no. Ti fantastiske plussgrader verkar som reine Syden etter denne vinteren.

Fortsatt god søndag!

Jannicke

Finfin fredag...

Det har vore ein skoddegrå dag ute, men fargerikt, varmt og kjekt inne. Mange fleire varer har blitt pakka ut og sett på plass. I ettermiddag kom det sjokoladelevering frå Sunnmøre. Elin Blindheim produserer sjokolade heime i Brattvåg, og ho kom innom med ei heil kasse ferdigpynta posar og egg. Får håpe det vert omsetning, ellers vert det overdimensjonerte påske-egg heime hjå oss i år :)

Hipp hurra!!

I dag opna eg dørene til butikken min, og det vart Fryd!

Dette vart ein alle tiders dag, med mange kjekke damer på besøk :) Eg trudde at eg skulle ha god tid til å ordne dei siste småtinga utover dagen, men det vart ikkje tid til å opne matboksen eingong. Ingenting er betre enn ein uopna matboks på ein opningsdag :))

Greengate koppar, fat og mugger var populære, og ikkje minst den lyseblå vekkarklokka

No er dagen over, i alle fall for min del. Takk for i dag!

Jannicke

Oleana og Alvekrus

I dag kom endå fleire nydelege jakker frå Oleana opp i lyset. Dei vart også pynta med silkebelter og flotte halsar. Alvekrusa frå Wik & Walsøe har fått ei flott tallerkenhylle til heim. Og alveskogvasen fekk inntil vidare plass ved sidan av den rosa favorittOleanajakka mi.

Da damene dro...

I dag har eg fått hjelp til å flytte ti damer og litt innredning ut av eit kjøpesenter og inn til meg, der vil dei sjølvsagt trivast mykje betre. Dei får dagslys, utsikt og fine klede.

Inne på Stryn Torg stod dei tynnkledde i mørket, medan dei lurte på kvifor ingen kom og helste på lenger. No skal eg passe på at dei får god pleie og forhåpentlegvis mykje besøk hos meg.

Far min var i alle fall godt nøgd med selskapet i dag, han hadde aldri køyrt så mange damer i bilen før, påstod han :)

Her blir det visst butikk snart!

I dag vart det endeleg grønsåpelukt og ryddig i lokalet. Papp, lister, skruar og gipsstøv var borte. Dermed kunne eg kose meg med å pakke ut dei første varene. Åhh, så kjekt, nesten som julaften. I staden for å klistre igjen gluggane, har eg stilt ut litt fine ting i eit par vindauge. Tek sikkert eit par år før folk oppdagar butikken uansett..

Og kva skal barnet heite?

Ja, det er ikkje heilt enkelt. Kanskje den minste utfordringa med å opne butikk vil nokon seie..., men det skal liksom klinge bra, ikkje for sukkersøtt, litt stemningsfullt, passeleg kort, ikkje misvisande, kanskje eit krydder, tilstand (Moods...?), blomsternavn er det nok av, (sjølv om Flora i farger kom på festbordet i natt..), passeleg mjukt, ikkje for hardt, nytt og velklingande - intet mindre!!
Skal det vere så forferdeleg vanskeleg?
Akkurat no, etter å ha sett søndagskveldens episode, er favoritten Himmelblå. Stryn og Ylvingen, tja, nesten same opplevelsen, eller...?
Eg har skrudd ikeamøbler til eg nesten fekk bekkenløsning i dag, så no legg eg meg utrangla og ør. Trur namnet må vente til ein annan kveld, har opptil fleire igjen før opning :)
Nattahelsing frå frøken Svimmelgrå.

På stell

No er sommarlege varer på veg frå Ib Laursen til Stryn. Trur jammen eg klarte å fylle ein heil palle eller to, eg har vore skikkeleg småbekymra for å ha glisne varehyller når dørene opnar... Men etter å ha gjennomgått alle ordrane i dag, ser det ut til at det skal fyllast opp ganske bra. Denne fine tallerkenhylla skal få ny varer på stell. Trur den endar opp med fargerike GreenGate tallerkenar som eg har bestilt i dag. Ib Laursen held seg meir i den duse enden av fargeskalaen, akkurat som Calou sine sommartresko. Desse kjem i kvitt til dame og rosa til småfrøknene. Då er vi klare for rosa sommar på bryggekanten, dersom snøen smeltar...



No skal eg legge meg aleine på hytta med eit nytt blad og sovne før side tre. Har vore på Skaftö i fred og ro i heile dag. Nydeleg... Ein stille og aude flekk på jord. Kosten er viktig for å halde arbeidsmoralen oppe, derfor diska eg opp med lammesteik med rødvinssaus og svensk juleøl til middag, bringebær med fløte til dessert og julekonfekt til kvelds. Smågodisen treng vi ikkje nevne.. Var berre ein ting eg sakna, og for dei som ikkje oppdaga feilen i menyen, RØDVIN! Må hugse på å ha eit lite lager...
I morgon er det besøk på favorittbutikken min som gjeld, hurra! Etterpå må eg kome meg rett heim, berre ein liten svipptur innom matbutikken først, som aldri blir svipp men laaang. Natta..

ONE PIECE

For ei god stund sidan bestilte eg mariusbodyar frå Ugly i alle kulørar. Men no om dagen er det så populært å matche, og der har eg slite litt med denne modellen.

Men Amy på Eidsvoll visste råd og kom opp med tips om denne behagelege og praktiske voksiposen frå OnePiece i dag..
Så kva med ein til far og ein til mor...

Fekk litt flashback til russetida, men tykte faktisk han var ganske fin...

My dream comes true..

Johooo!! Her skal min butikk opne, tenk MIN BUTIKK. Crazy??!!!
Det blir kjempekjekt og travelt og heilt vanvittig morsomt.



Eg skal legge ut meir bileter etterkvart, no må eg berre avlede ungane litt før dei ødelegg kjøkkenstolane, som har blitt til flotte sklier i eit badeland...

Vase på Valentine

Damene i Wik & Walsøe har verdas nydelegaste vasar, lyslykter og krus. Favorittane mine er dei med Alvar, deretter Hjorten. Skulle gjerne hatt ein eller fleire av dei store vasane med alvar på til alle blomebukettane eg har fått i dag, hehe ;) Men eg fekk faktisk nokre fine blomster på fredag, men det trur eg var meir for å muntre opp ei sur konemor. Veslebror kom opp trappa med buketten på ryggen og sa, "nå er du glad mamma!" Og det vart eg sjølvsagt på sekundet, i alle fall i Vesle Jo-guten min..

BLAFRE i senga

Gledar meg til dei sprelske mønstera til Blafre kjem på sengetøy og småvesker. Kunne tenkt meg eit blafre handlenett som eg kunne bruke i butikken på ein grå regnversdag. Eller rett og slett på stranda om eit par tre månader. Glad blir ein i alle fall...

Det glade syttital

Apropos retro som eg var inne på i forrige innlegg.
Ingrid kom opp i stova etter å ha stått på hovudet i den gamle kleskassa frå 70-talet. Ho smilte som ei sol. Det gjorde mamma òg. Fotoapparatet kom fort opp av skuffa og gensaren foreviga nok ein gong... nokre tiår sidan sist den vart festa til filmen.

ISAK

Desse morosamme og fargerike retro-klea til Sara Isaksson sender meg rett tilbake til det glade 70-tal.
Det var fantastisk å få kaste dei høghalsa stikkande akrylpolyestereitelleranna gensarane langt inni skapet til fordel for fargerike mjuke sommarkjolar.
Eg får lyst på ein slik omslagstunika sjølv eg. ISAK har sååå mykje fint, ikkje berre klede. Eg kjem tilbake med meir seinare. Eller så kan du kikke litt sjølv.

Februarpakke

Rie Elise Larsen


Når ein har mista fire tenner, og gleda seg til neste bursdag sidan 5-årsdagen i fjor, då er forventningane skyhøge til det å fylle seks år. Kanskje det mest spennande året i livet. Alt skal skje! Overnatting i barnehagen, skulestart, forelskelse, første skulesekken, nye tenner, nye venner og kanskje ein liten forelskelse. Livet må feirast med masse fargar, ballongar og kaker. Kanskje vi kan pakke inn litt ferdigmuffins i dette fine papiret. Då trur eg dagen til både Ingrid og Ingrid si mamma vert redda

Når snøen smeltar...

Då skal eg springe ut i berre kloggane...

Men kva farge skal eg velge mon tru?? Hmmm, akkurat det har eg nok veeeldig god tid til å tenkje på :) Calou sine kjempesøte tresko får meg i alle fall til å lengte bittelitt til sol og varme

Haien kommer!!

Denne vil Jo like, men mammaen tykkjer og den er kjempetøff. Har nettopp bestilt meg ein. Så får vi sjå om det blir småbilar eller serviettar, sabeltann eller smykker. Uansett, Blafre har meir å by på, så det ordnar seg nok..

Denne ønsker jeg meg...

Hønsenetting i ramme fikk Gry Wigres venninner til å ønske seg tilsvarende smart smykkeoppheng hjemme hos seg selv. Da bestemte hun seg for å satse stort.

Onmii er resultatet som sanssynligvis vil erobre mange damers baderomsvegger, skapdører eller sminkebord(som Ingrid kaller det).

De er allerede godt på vei, og produktet er lansert i Japan. Onmii er et gammelt japansk ord

som betyr "å ta vare på deg selv".

Dette brettet i akryl er rett og slett genialt. Hjemme hos oss henger smykker og øreringer på alt av knotter og kroker på badet.

Kanskje orkidèene til onmii snart erobrer mitt bad. Da tror jeg mannen i huset blir fornøyd.

I tillegg slipper jeg kanskje å lete etter øreringene og smykkene mine overalt også.

Sist fant jeg smykket mitt i do. Jo syntes tydeligvis at det hørte hjemme der...

Til å drikke opp...

Disse traff en nostalgisk streng i meg. Gutta i Ugly har klart det igjen. Fantastisk morsom design til minsten, for de som har en... og i tillegg leveres de selvfølgelig i en stor og stilig melkekartong. Babyene altså...

Vinter og sol